കൊച്ചി: എറണാകുളം തേവര പാലത്തിൽ നിയന്ത്രണം വിട്ട ലോറി പാലത്തിന്റെ കൈവരിയിലേക്ക് ഇടിച്ചുകയറി. എതിർദിശയിൽ വന്ന വാഹനത്തിന് വഴിയൊരുക്കുന്നതിനിടെയാണ് അപകടമുണ്ടായത്. ഇടിയുടെ ആഘാതത്തിൽ പാലത്തിന്റെ കൈവരി തകർന്നതോടെ ലോറി താഴേക്ക് തൂങ്ങിയ നിലയിൽ കുടുങ്ങി.
അപകടസമയത്ത് ലോറിയിലുണ്ടായിരുന്ന ഡ്രൈവർ വാഹനത്തിൽ നിന്ന് ചാടി രക്ഷപ്പെടുകയായിരുന്നു. അദ്ദേഹത്തിന് നിസാര പരിക്കുകൾ മാത്രമാണ് ഉണ്ടായതെന്ന് അധികൃതർ അറിയിച്ചു.
വാഹനത്തിരക്ക് കൂടുതലുള്ള തേവര പാലത്തിലാണ് സംഭവം നടന്നത്. ലോഡ് ഇറക്കിയ ശേഷം മടങ്ങിവരുന്നതിനിടെയായിരുന്നു ലോറി അപകടത്തിൽപ്പെട്ടത്.
അപകടത്തെ തുടർന്ന് പ്രദേശത്ത് ഗതാഗത തടസവും ആശങ്കയും ഉണ്ടായി. കൂടുതൽ നടപടികൾക്കായി അധികൃതർ സ്ഥലത്തെത്തി പരിശോധന നടത്തി.
Leave a Reply